मनाङ मर्स्याङ्दी जलविद्युत् आयोजनाको काम सुरु

पूर्वाधार परिवेश

८ मंसिर २०८१, शनिबार

काठमाडौं । मनाङ मर्स्याङ्दी जलविद्युत् कम्पनीद्वारा प्रवर्द्धित एक सय ३५ मेगावाट क्षमताको अर्धजलाशययुक्त मनाङ मर्स्याङ्दी जलविद्युत् आयोजनाको वित्तीय व्यवस्थापनसँगै निर्माणको काम सुरु भएको छ ।

आयोजना निर्माणका लागि वित्तीय व्यवस्थापन भएसँगै निर्माण सुरु भएको आयोजनाको लगानीकर्तामध्येको एक कम्पनी बुटवल पावर कम्पनी लिमिटेडले जनाएको छ । गत महिना चीनको एक्जीम बैंकसँग कर्जा सम्झौता भएको थियो ।

सम्झौताअनुसार एक्जीम बैंकले एक अर्ब २४ करोड २५ लाख चिनियाँ युआन अर्थात् १७ करोड ५२ लाख ५० हजार अमेरिकी डलर ऋण लगानी गर्नेछ । बाँकी ऋण रकम अन्य स्रोतबाट जुटाइएको छ । आयोजनाको अनुमानित लागत ३२ करोड ३० लाख अमेरिकी डलर रहेको छ ।

आयोजनामा बुटवल पावर कम्पनीसँगै चिनियाँ कम्पनीहरू एसीआईजी इन्टरनेसनल लिमिटेड, सिङचेङ इन्टरनेसनल इन्भेष्टमेन्ट कम्पनी लिमिटेड र क्यूवाइइसी इन्टरनेसनल कम्पनी लिमिटेड र सो कम्पनीहरूको संयुक्त लगानीको एसिआइजी इन्टरनेसनल नेपाल हाइड्रो जोइन्ट डेभलपमेन्ट इन्भेष्टमेन्ट कम्पनीको लगानी छ ।

आयोजनाको निर्माण चीनको सिनोहाइड्रो ब्युरो सेभेन कम्पनी लिमिटेडले र निर्माण सुपरीवेक्षण सोही नर्थवेष्ट इन्जिनियरिङ कम्पनीले गरिरहेको छ । आयोजना निर्धारित कार्ययोजनाअनुरूप ४२ महिनाभित्र सम्पन्न गर्ने लक्ष्य छ ।

यो खबर पढेर तपाईंलाई कस्तो लाग्यो ?

प्रकाशित मिति : ८ मंसिर २०८१, शनिबार

मनाङ मर्स्याङ्दी जलविद्युत् आयोजनाको काम सुरु

पूर्वाधार परिवेश

प्रतिक्रिया

धेरै पढिएको

नारायणगढ–वुटवल सडक योजनाको प्रमुख फेरिए, रिजाललाई जिम्मेवारी

सुनिता तामाङ

स्नेहा सिल्वाल

समाचारसर्च गर्नुहोस्

मनाङ मर्स्याङ्दी जलविद्युत् आयोजनाको काम सुरु

सुनिता तामाङ

स्नेहा सिल्वाल