काठमाडौंको कीर्तिपुर नगरपालिकाको रिक्त मेयर पदमा मतदान जारी छ । स्थानीय तहको उपनिर्वाचनमा कीर्तिपुरमा ११ हजार ३० जना मतदाताले मतदान गरेको निर्वाचन अधिकृत इन्दिरा कार्कीले जानकारी दिइन् ।
आइतबार बिहान ७ बजेदेखि दिउँसो १२ बजेसम्म ५ हजार ८२१ जना पुरूष, ५ हजार २०८ महिला र अन्य एकसहित ११ हजार ३० जनाले मतदान गरिसकेका छन् । यस पालिकामा ३१ हजार ११२ जना मतदाता छन् ।
कीर्तिपुरमा २० वटा मतदानस्थल र ३८ वटा मतदान केन्द्रमा मतदान जारी छ । कीर्तिपुर नगरपालिकाको मेयर र वडा नम्बर १ र ४ को अध्यक्ष पदमा मतदान जारी छ ।
यो खबर पढेर तपाईंलाई कस्तो लाग्यो ?
प्रतिक्रिया