पूर्वी नवलपरासीको कार्यालय भवन निर्माणस्थलको रूख काट्न बाटो खुल्यो

 पूर्वी नवलपरासी । जिल्लाको सदरमुकाम कावासोतीमा नमूना जिल्ला सदरमुकामका कार्यालय भवन निर्माणस्थलका रुख काट्न स्वीकृती प्राप्त भएको छ ।

सहरी विकास मन्त्रालयले कात्तिक ७ गते सचिव स्तरीय निर्णय गरेर रुख कटानका लागि वन मन्त्रालयलाई पत्र पठाएसँगै रुख काट्न बाटो खुलेको हो ।

नमूना सदरमुकाम निमार्णस्थलमा रहेका ६ सय ५२ वटा रुख काट्नु पर्ने डिभिजन वन कार्यालयले जनाएको छ ।

वन मन्त्रालयले गत असोज १६ गते नमुना सदरमुकाम निर्माण गरिने ज्योति कुञ्ज सामुदायिक वन क्षेत्रको जग्गाको स्वामित्व राष्ट्रिय आवास कम्पनी लिमिटेडको नाममा रहेकाले त्यस क्षेत्रका रुख हटाउन सहरी विकास मन्त्रालयबाट अनुरोध पत्र माग गरेको थियो ।

वन मन्त्रालयले माग गरे अनुसार सहरी विकास मन्त्रालयको सचिव स्तरको निर्णय पत्र वन मन्त्रालय पठाइएको हो ।

यो खबर पढेर तपाईंलाई कस्तो लाग्यो ?