तिहारमा चट्याङ्गसहित वर्षा र हिमपातको सम्भावना

काठमाडौं । जल तथा मौसम विज्ञान विभागअन्तर्गतको मौसम पूर्वानुमान महाशाखाले ‘तिहार विशेष मौसम बुलेटिन’ जारी गरेर तिहारका चार दिनको मौसमी सम्भावनाबारे जानकारी गराएको छ ।

विभागले बुधबार जारी गरेको बुलेटिनअनुसार यस वर्ष तिहारका दिन रहेका बिहीवारदेखिका चार दिनको सम्भावित मौसमी विवरण जारी गरेको हो ।

जसअनुसार चारै दिनमा देशका कोसी, बागमती, गण्डकी र कर्णाली प्रदेशका पहाडी भुभागमा आंशिक देखि साधारणतया बदली रही थोरै स्थानमा मेघ गर्जन÷चट्याङ्ग सहित हल्का वर्षाको सम्भावना रहने तथा बाँकी भू–भागमा मूख्यतया सफा रहने देखिएको छ ।

यस्तै उच्च पहाडी तथा हिमाली भुभागका थोरै स्थानहरूमा हल्का हिमपातको सम्भावना रहेको महाशाखाले जनाएको छ । उक्त दिनहरूमा अधिकांश स्थानहरूमा अधिकतम तथा न्यूनतम तापक्रम घट्दो क्रममा रहने सम्भावना देखिन्छ ।

यो खबर पढेर तपाईंलाई कस्तो लाग्यो ?